Í nýju myndbandi frá Halldóri B. Halldórssyni er sjónum beint að þeirri íbúðauppbyggingu sem nú stendur yfir í Vestmannaeyjum.

Halldór heimsækir tvö af fjölbýlishúsunum sem eru í byggingu. Annars vegar á Sólhlíðinni og hins vegar við Áshamar, þar sem framkvæmdir hafa verið áberandi undanfarna mánuði. Þá kemur hann einnig við á Stakkagerðistúninu og sýnir hvernig svæðið lítur út um þessar mundir.

Myndbandið gefur innsýn í nokkur af þeim verkefnum sem ætlað er að auka framboð íbúðarhúsnæðis í Vestmannaeyjum á næstu árum.