Það eru ekki nema rúmar tvær vikur síðan heimasíðan handbolti.is var sett á laggirnar en hún hefur verið keyrð áfram á fullum krafti frá fyrst degi. Stofnandi hennar er Hlynur Sigmarsson sem var lengi formaður handboltaráðs ÍBV og situr nú í stjórn Handknatt­leikssamanbands Íslands.
„Mér hefur lengi fundist vanta síðu þar sem hægt er að nálgast allar almennar upplýsingar um handboltann. Það virðist allt snúast að mestu leyti um fótboltann í dag og handboltinn fellur svolítið í skuggann af honum.“