Tilkynning frá Björgunarfélagi Vestmannaeyja

Nýsmíði á björgunarskipi Björgunarfélags Vestmannaeyja er vel á veg komin í skipasmíðastöð Kewatec í Kokkola í Finnlandi. Niðursetning vélbúnaðar er langt komin og var aðalvélum komið fyrir núna í vikunni. Í framhaldi verður stýrishúsi komið fyrir á skrokknum, en unnið er við þessa hluti jöfnum höndum í sitthvoru lagi. Eins og sjá má á meðfylgandi myndum hefur tekist vel til við smíði og frágang á skrokk skipsins.

Í lok þessa mánaðar munu aðilar frá Björgunarfélagi Vestmannaeyja og Slysavarnarfélaginu Landsbjörgu fara utan og kynna sér smíðina og annast úttektir. Stefnt er að því að skipið verði afhent í Vestmannaeyjum í ágúst á þessu ári. Hjá okkur ríkir mikil eftirvænting fyrir nýja skipinu sem mun leysa af eldra björgunarskip félagsins, en björgunarskipið Þór er að verða 28 ára gamalt og hefur reynst Vestmannaeyjingum mjög vel.

Fjármögnun á þessu stóra verkefni er í fullum gangi og hafa íslenska ríkið, Sjóvá, Vestmanneyjabær ásamt fleiri aðilum stutt verkefnið dyggilega nú þegar. Kostnaður við skipið er samt sem áður 285.000.000,- króna og erum við því áfram að leita að stuðningi til að fullfjármagna björgunarskip til eyja.

Það er við hæfi á sjómannadegi þegar fagnað er mjög góðum árangri í öryggismálum á sjó og fallinna sjómanna er minnst, að við í Björgunarfélagi Vestmannaeyja minnum á styrktarlínu á heimasíðu félagsins. Þar geta allir þeir sem vilja, styrkt okkur í kaupum á nýju og öflugra björgunarskipi með því að velja Björgunarfélag Vestmannaeyja í greiðsluferlinu.

Smelltu hér til að styrkja Björgunarfélagið. 

 

Verið er að byggja nýtt björgunarskip í Finnlandi
Smíði skipsins er vel á veg komin
Stefnt er að því að afhenda skipið í ágúst á þessu ári
Fjármögnun á þessu stóra verkefni er í fullum gangi
áfram er leitað að stuðningi til að fullfjármagna björgunarskip

Nýjustu fréttir

Stjórnmál
Íris ætlar að ganga í Sjálfstæðisflokkinn
Íþróttir
Arnór með fimm mörk í jafntefli Karlskrona
Stjórnmál
Rannveig Ís­fjörð sækist eftir 4. sæti í prófkjöri Sjálfstæðisflokksins
Sjávarútvegur
Systurskipin landa fullfermi
Áhugavert
Golfvöllurinn í Eyjum tilnefndur til alþjóðlegra verðlauna
Stjórnmál
Aníta sækist eftir 2. sæti í prófkjöri Sjálfstæðisflokksins
Stjórnmál
Enginn úr núverandi meirihluta gefur kost á sér áfram
Fréttir
Síðasti séns! Taktu þátt í að móta menningarstefnu Vestmannaeyja
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.