Hið árlega TM mót í Vestmannaeyjum hefst á morgun, fimmtudag, og mun standa fram yfir laugardag. Mótið hefur verið haldið ár hvert frá 1990 og er það 5. flokkur kvenna í fótbolta sem keppir á mótinu. Keppt verður á fjórum völlum á mótinu í ár, Týsvelli, Þórsvelli, Herjólfshöll og Hásteinsvelli. Fyrstu leikir hefjast kl. 08:20 á morgun og síðustu leikirnir kl. 17:00. 

Ýmis afþreying verður í boði fyrir stelpurnar á mótinu. Á fimmtudeginum verður sjálf setning mótsins og hæfileikakeppni í Íþróttahúsinu. Á föstudeginum fer fram leikur landsliðs og pressuliðs á Hásteinsvelli og þar á eftir kvöldvaka í íþróttahúsinu, þar sem úrslit í hæfileikakeppninni verða kynnt. Á laugardeginum verða bikarúrslitaleikir, úrslitaleikur um TM mótsbikarinn og að lokum grillveisla við Týsheimilið að loknum úrslitaleikjum. 

Hægt er að sjá alla dagskrá mótsins hér.