Karlalið ÍBV í knattspyrnu og handbolta leika bæði á útivelli í dag, sunnudag. Knattspyrnuliðið mætir Stjörnunni í Garðabæ klukkan 14.00 og handboltaliðið heimsækir Hauka klukkan 18.00.

Mikilvæg stig í Garðabæ

Fyrri leikur dagsins fer fram á Samsung-vellinum þar sem Stjarnan tekur á móti ÍBV í lokaumferð fyrri hluta Bestu deildar karla.

ÍBV er fyrir lokaumferðina með 17 stig, jafnmörg og KA, og mikilvæg stig í húfi í fallbaráttunni. Stjarnan er jafnframt í harðri baráttu um sæti í efri hluta deildarinnar áður en henni verður skipt í tvo hluta.

Handboltavertíðin hefst gegn Haukum

Klukkan 18.00 hefja handboltastrákarnir keppni í Olísdeildinni þegar þeir mæta Haukum í Kuehne+Nagel-höllinni á Ásvöllum.

Um er að ræða fyrsta deildarleik ÍBV á nýju tímabili. Haukum var spáð deildarmeistaratitlinum í árlegri spá þjálfara og fyrirliða fyrir tímabilið og bíður Eyjamanna því verðugt verkefni strax í fyrstu umferð.

Leikir dagsins:

• Klukkan 14.00: Stjarnan – ÍBV í Bestu deild karla í knattspyrnu.
• Klukkan 18.00: Haukar – ÍBV í Olísdeild karla í handbolta.

Báðir leikir fara fram á höfuðborgarsvæðinu