Á morgun, laugardag heldur Pílufélag Vestmannaeyja mót undir nafninu “Vestmannaeyjar Open!” Mótið er haldið í fyrsta skipti og ef vel gengur verður þetta árlegt.

Mótið verður haldið í Íþróttamiðstöð Vestmannaeyja 14. september. Húsið opnar kl. 13:00 og keppni hefst kl 14:30. Þátttökugjald 3500 kr. Á föstudagskvöldinu 13. september kl 20:00 stendur til að hita upp með tvímenning. Þátttökugjald 1500 kr.

Að sögn Þórarins Björns Steinssonar, eins af skipuleggjendum mótsins er um að ræða eitt sterkasta pílmót sem haldið hefur verið í Eyjum.

„Margir þaulreyndir og nokkrir af bestu pílu spilurum landsins eru að mæta á eyjuna. Þar á meðal er landsliðsþjálfarinn í pílu og Kári Vagn sem er algjört undrabarn í íþróttinni.” segir hann í samtali við Eyjafréttir.

Nánar um mótið.