Vilja selina úr Húsdýragarðinum í Klettsvík

“Selirnir í húsdýragarðinum eiga betur skilið – leyfum þeim að setjast að í sjávardýraathvarfi núna strax!” Á þessum orðum hefst greinargerð þar sem fólk er beðið að skrifa undir áskorun til borgarstjóra Reykjavíkurborgar og bæjarstjóra Vestmannaeyja þess efnis að Selirnir í húsdýragarðinum verði fluttir á griðarstað í Klettsvík. Þeir sem að undirskriftasöfnuninni standa eru andvígir því að Reykjavíkurborg ætli að verja 100 milljónum króna í að stækka laug selanna í Fjölskyldu- og húsdýragarðinum.

Hópurinn er með lausn við þessu öllu saman en í lok greinarinnar kemur fram eftirfarandi “Það er engin þörf fyrir það að halda sjávardýrum í dýragarði í Reykjavík þegar við höfum nú þegar fullútbúið sjávardýraathvarf í Vestmannaeyjum. En samkvæmt sjávarlíffræðingum, bæði hérlendis- og erlendis frá, er það ákjósanlegasti staðurinn á landinu fyrir slíka seli til að setjast í helgan stein. Það eru engar dýrar endurbætur sem Húsdýragarðurinn gæti ráðist í sem myndu jafnast á þau lífsgæði sem selirnir hlytu af því að fá að synda um í Klettsvík, þar sem almenningur getur virt þá fyrir sér í sínu náttúrulegu umhverfi. Þess í stað hyggst Húsdýragarðurinn verja hundruðum milljóna skattgreiðenda til þess eins að hneppa villt dýr í ánauð. Það væri bæði selunum fyrir bestu og þjónar fjárhagslegum hagsmunum borgarinnar. Við krefjumst þess að Reykjavíkurborg sjái sóma sinn í að láta flytja selina í sjávardýraathvarfið í Klettsvík.”

Au­d­rey Padgett fram­kvæmda­stjóri Sea Life Trust. Ljós­mynd/​SeaLi­feTr­ust

Enginn talað við okkur
“Mér var bent á þetta á netinu en veit ekkert meira um málið það hefur enginn reynt að ræða þetta við okkur,” sagði Audrey Padgett framkvæmdastjóri Sea Life Trust í samtali við Eyjafréttir. Audrey segir margt sem þurfi að skoða í þessu samhengi. “Þetta er ekkert útilokað, villtir selir hafa verið að synda inn og út úr kvínni án þess að hvalirnir hafi kippt sér eitthvað upp við það. Við þyrftum að fá miklu meiri upplýsingar um dýrin til að getað sagt eitthvað til um það og eins og kvíin er útbúin í dag þá er engin leið að koma í veg fyrir að selur fari þaðan út ef honum dettur það í hug. Við eigum í góðu samstarfi við Húsdýragarðinn þegar kemur að umönnun fugla en eins og ég segi þetta hefur enginn rætt þetta mál við okkur.”

Nýjustu fréttir

Vinnslustöðin
Eyjafiskur í mikilli sókn vestanhafs
Áhugavert
Segja forsendur útboðs heilsuræktar hafa breyst verulega
Íþróttir
ÍBV tekur á móti ÍR
Áhugavert
Óvenjulegar eignfærslur og tafir á afhendingu gagna
Fréttatilkynning
Opið hús hjá Krabbavörn
Áhugavert
Fermingar á næsta leyti
Áhugavert
Bent kemur fram á Hljómey!
Fréttir
Skyndihjálparnámskeið hjá Visku um helgina
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.