Í tilefni af 70 ára afmæli Vinnslustöðvarinnar hefur stjórn Vinnslustöðvarinnar samþykkt að ráðast í verkefni við uppgræðslu við Eldfell í samvinnu við Vestmannaeyjabæ. �?etta kom fram á fundi umhverfis- og skipulagsráðs í vikunni.

Vinnslustöðin mun leggja fjármagn til verkefnisins næstu 3-4 árin. Myndað hefur verið aðgerðateymi skipað einstaklingum frá Landbúnaðarháskóla Íslands, Landgræðslunni, Arkitektarstofunni Landmótun, frá Vinnslustöðinni, áhugafólki og frá Vestmannaeyjabæ. Fulltrúar Vestmannaeyjabæjar í teyminu eru formaður Umhverfis-og skipulagsráðs og Bjarni �?lafur Marinósson verkefnastjóri.

Uppgræðsla við Eldfell er mikilvægt verkefni sem brýn þörf er að ráðast í. Vestmannaeyjabær hefur haft mikinn vilja til að lagfæra það sem þarf að gera, en til þess hefur fyrst og fremst skort mannafla. Umhverfis-og skipulagsráð fagnar frumkvæði VSV og lýsir sig viljugan til þess að gera samstarfssamning vegna verkefnisins. Reynt verður að hámarka þátttöku almennings, fyrirtækja og félagasamtaka í verkefninu. Mun upphafspunktur þess vera hluti af dagskrá Goslokahátíðar fimmtudaginn 30. júní og verður það nánar kynnt síðar, að því er segir í bókun ráðsins.