Landsliðsfyrirliðinn Hermann Hreiðarsson verður ekki með í vináttuleiknum gegn Lúxemborg 14. þessa mánaðar. Hermann er enn að jafna sig af meiðslum sem hafa plagað hann síðustu mánuði en hann hefur ekkert geta leikið með Portsmouth-liðinu á leiktíðinni. Hann tognaði fyrst aftan í læri í æfingaleik með Portsmouth í byrjun ágúst og varð síðan fyrir því óláni á æfingu landsliðsins fyrir leikinn gegn Norðmönnum í byrjun september að meiðast þegar sin í il hans rifnaði.