Stuðmenn fóru með björgunarbátnum Þór
2. ágúst, 2007

Einar Örn Jónsson tónlistarmaður og meðlimur hljómsveitarinnar Í Svörtum Fötum er að koma á sína áttundu þjóðhátíð en hann hefur spilað á fimm þjóðhátíðum og verið sem almennur þjóðhátíðargestur á tveimur. Eyjar.net sendu Einari nokkrar spurningar varðandi hans hlið á þjóðhátíðinni.

Afhverju þjóðhátíð í eyjum? Einstök hátíð á einstökum stað, auk þess sem það er alltaf gaman að koma í Hólagötuna.

Hvað dettur þér í hug þegar þú heyrir…

Flugeldasýningin: Hálsrígur
Hvítu tjöldin: Lundi hjá Páley og Adda
Þoka og ófært með flugi: Plan B
Árni Johnsen: G-C-D

Hvað er það við þjóðhátíðina sem gerir hana að góðri útihátíð: Umhverfið og góðglaðir Íslendingar

Saga frá þjóðhátíðinni: Það getur oft verið stress að komast til Eyja. Í fyrra áttum við að mæta á svið á laugardagskvöldinu. Við vorum búnir að bíða eftir að hægt væri að fljúga allan daginn. Stuðmenn voru í sömu sporum nema þeir voru í Eyjum og þurftu að komast upp á land. Um fimm leytið fáum við símtal frá Þjóðhátíðarnefnd um að Stuðmenn séu að leggja af stað með björgunarskipinu Þór og nú þurfum við að drífa okkur til Þorlákshafnar til að taka skipið til baka. Þegar við erum rétt lagðir af stað til Þorlákshafnar kemur annað símtal og okkur tilkynnt að það sé heiður himinn í Eyjum. Við snúum við og eigum þetta fína flug til Eyja á meðan Stuðmannagreyin sigldu út innsiglinguna í Eyjum með flugvélagnýinn yfir sér. Þarna var lukkan með okkur og vonandi verður svo áfram í ár.

Skoða blaðið á netinu
Forsida 12 Tbl 2024
12. tbl. 2024
Mest lesið
viðburðir
Fylgstu með

Skráðu þig á fáðu nýjustu tilkynningar fyrst