Þjóðhátíð Vestmannaeyja var sett í dag í Herjólfsdal. Seinka þurfti setningunni eilítið vegna hvassviðris en rokið er að lægja og verður veðrið orðið fínt um miðbik kvölds. Útlit er fyrir stærstu Þjóðhátíð í mörg ár, enda er alltaf fleira og fleira fólk að átt sig á því að um verslunarmannahelgina þá er Þjóðhátíðin langstærsta og glæsilegasta hátíðin. Ekki skemmir svo fyrir skemmtidagskráin sem er þéttskipuð frábærum listamönnum.Húkkaraballið var að venju í gærkvöldi, fimmtudag og tókst frábærlega vel. Týsheimilið var troðið af fólki og hljómsveitin Á móti sól spilaði fyrir ballgesti. Verður að segjast alveg eins og er að hljómsveitin hefur sjaldan eða aldrei verið jafn góð og nú enda Magni kominn með flottan Rockstar fíling inní bandið. Þjóðhátíðargestir ættu því að fara sáttir frá danspallinum öll kvöldin, enda allt frábærar hljómsveitir sem leika á hátíðinni í ár.

Eyjamenn nær og fjær auk allra þeirra gesta sem leggja, eða hafa lagt, leið sína á stærstu hátíð í heimi:

GLEÐILEGA ÞJÓÐHÁTÍÐ !