Það var gaman að fá viðbrögð við Bakkafjörupistlinum og kom mikið gott úr þessari umræðu. Einhverjir snéru við blaðinu og eru nú fylgjandi Bakkafjöru og hef ég sjálfur séð smá ljósatýru með Bakkafjöru eftir þessa umræðu. Þetta var akkúrat það sem ég vildi að það skapaðist umræða um málið og að litið sé á allar hliðar.

Það kom grein á Eyjar.net frá Elliða Bæjó og er ég alveg sammála honum þar að það þarf að vanda sig við gerð Bakkafjöru. Reyna að klára sem flesta óvissu þætti áður en framkvæmdin fer á fullt. Hvernig skip verður þetta, hvað verða margar ferðir, hvað fer rútan oft og hvert, hvað verður pláss fyrir marga bíla, hvernig verða vegirnir bættir. Það getur verið að þetta sé komið lengra en ég veit en það er þá bara hið besta mál. Hlustum allavega á gagnrýni og svörum með rökum en ekki líta á hana sem persónulega árás.

Að lokum vill ég segja til hamingju Vestmannaeyjar með eigendur Vinnslustöðvarinnar og skora ég á bæjarstjórnina að taka upp Lundaorðuna og gefa þeim og fleirum sem standa sig vel í að byggja upp Vestmannaeyjar.

http://siggivido.blog.is/blog/siggivido/