Vegna breytinga á veðri hefur Eyjasundinu hjá Aroni Þór og Jóhanni verið flýtt og lögðu þeir af stað frá Eiðinu í Vestmannaeyjum klukkan 11:00 í morgun,  sunnudaginn 5. júlí. Sundið er hluti af söfnunarátaki til styrktar dóttur Bríetar Irmu og hvetja þeir alla sem geta til að leggja málefninu lið á vefsíðunni www.atalia.is.

Áhugasamir geta fylgst með ferð þeirra á Instagram-síðum þeirra, @aronthorleifss og @jgudmundss, þar sem reglulega verða birtar upplýsingar frá sundinu. Jafnframt hefur verið settur upp GPS-rekjarbúnaður sem gerir fólki kleift að fylgjast með ferðum þeirra í rauntíma frá því að þeir hefja sundið.