Takk fyrir góðan vetur og njótið sumarsins

Þá er enn eitt skólaárið búið og nemendur komnir í kærkomið sumarfrí. Skólanum var slitið með dansi og gleði á Stakkó og það var gaman fyrir nemendur að fá að kveðja skólaárið með þessum hætti.

Það er gott að geta litið yfir þetta skólaár sem er að klárast og hugsað til þess að það var algjörlega takmarkalaust. Eftir um þrjú ár af skrítnum tímum, heimsfaraldri var svo kærkomið að fá aftur eðlilegt skólaár.

Þetta hefur verið skemmtilegur og viðburðaríkur vetur. Við hófum okkar annað ár í stóra þróunarverkefninu okkar Kveikjum neistann: þar sem markmiðið er að efla læsi, áhuga og gróskuhugarfar, hreyfifærni og vera með markvissa þjálfun og eftirfylgni og það er óhætt að segja að árangur af þessum tveimur árum sé virkilega góður og fram úr okkar björtustu vonum.

Markmiðið var að 80-85% nemenda yrðu læs við lok 2. bekkjar og það markmið náðist. Við erum vikilega stolt af nemendum, kennurum og foreldrum sem hafa tekið þátt í innleiðingu síðustu tvö ár.

En talandi um innleiðingu þá kláruðum við þriggja ára spjaldtölvuinnleiðingu núna í vor, stór skref hafa verið tekin í þeim efnum. Allir nemendur eru nú komnir með tæki, annað hvort ipad eða chromebook og mikil þróun átt sér stað i fjölbreyttum kennsluaðferðum og starfsþróun kennara.

Mikilvægi samstarfs heimilis og skóla veður aldrei of metið og er það grunnur að góðum árangri barna okkar. Nú erum við nýbúin að fylgjast með ÍBV og samstaða Eyjamanna í þeim efnum algjörlega einstök. Allir standa saman og flykkjast á bak við liðið og styðja af heilum hug. Við höfum oft talað um það í skólanum hvað það væri gaman ef áhugi á GRV gæti verið eins mikill og áhugi á ÍBV, við værum jafn stolt af skólanum okkar eins og íþróttafélaginu.

Vinnum þetta saman, notum sumarið til að lesa góða bók og nýtum Bókasafn Vestmannaeyja, sem veitir einstaka þjónustu í þessum efnum. Ætla þau m.a. að bjóða upp á þjálfunartíma í lestri í sumar fyrir nemendur sem eru að ljúka 1.bekk og sumarlestur GRV og Bókasafnsins er kominn á fullt.

Takk fyrir góðan vetur og njótið sumarsins.

Anna Rós Hallgrímsdóttir – Skólastjóri Grunnskóla Vestmannaeyja.

Mynd – Fjölmenni var í Höllinni þegar tíundu bekkingar útskrifuðust á fimmtudaginn.

 

Nýjustu fréttir

Íþróttir
Eyjamenn sóttu þrjú mikilvæg stig norður
Áhugavert
„Við erum ótrúlega stolt af ykkur“
Myndband
Mikill ferðamannastraumur um helgina – myndband
Úr blaði Eyjafrétta
Heimir og Særún heilluðust af Vestmannaeyjum
Íþróttir
Glæsilegu TM móti lokið – Þróttur R. varð TM móts meistari
Íþróttir
ÍBV getur farið upp fyrir Þór
Áhugavert
Sýndu fjölbreytni, metnað og sköpunargleði
Íþróttir
ÍBV stelpurnar gerðu jafntefli við Þrótt R.
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.