Mikill og góður gangur í loðnuveiðum og vinnslu

Síðustu daga hafa loðnuskipin verið að veiðum við Vestmannaeyjar og því stutt að sækja. Það hefur því verið mikið líf í Vestmannaeyjahöfn og allt á fullu bæði hjá Ísfélagi og Vinnslustöð og unnið á vöktum allan sólarhringinn.

„Loðnuveiðar ganga mjög vel og við höfum bara stillt veiðina eftir afköstum vinnslunnar,“ sagði Sindri Viðarsson, sviðsstjóri uppsjávarsviðs Vinnslustöðvarinnar. „Við höfum verið að frysta á fullu og hefur það gengið mjög vel. Þegar veiðin er svona góð er miklu einfaldara að stýra henni eftir afköstum vinnslunnar og tryggja þannig að við séum alltaf með eins ferskt hráefni og mögulegt er. Nú þurfum við að fara að undirbúa okkur undir hrognavinnslu sem ætti að hefjast um helgina.

Við eigum eftir um 25.000 tonn en erum að bíða eftir því að vita hverjar reglurnar varðandi viðbótarkvótann verða. Hafrannsóknastofnun hefur mælst til þess að hluti aukningarinnar verði veidd fyrir norðan en við höfum ekki séð útfærsluna á því,“ sagði Sindri.

„Ísfélagsskipin eru búin að veiða rúm 24.000 tonn á þessari vertíð sem hefur að stórum hluta farið í frystingu,“ sagði Eyþór Harðarson, útgerðarstjóri Ísfélagsins. „Við stefnum á að byrja í hrognatöku um næstu helgi. Þá ætti hrognaþroskinn að vera góður fyrir markaðinn. Það er nóg eftir að veiða eftir síðustu úthlutun og nú er bara spurningin hvort veðrið og aðstæður til loðnuveiða verði okkur hagstæðar til að klára kvótann seinnipartinn í marsmánuði,“ sagði Eyþór.

Ísfélagið tekur nýtt hrognahús við FES í gagnið þegar hrognataka hefst um helgina.

Loðnuvinnsla í Vinnslustöðinni.

Mynd Addi í London.

Nýjustu fréttir

Úr blaði Eyjafrétta
Kokkurinn heldur áhöfninni gangandi  
Áhugavert
Þegar þú lend­ir í svona ferðu að hugsa hlut­ina allt öðru­vísi
Fréttir
Álfsnes úr leik vegna bilunar
Stjórnmál
Trausti opnar kosningaskrifstofu í gamla TM Húsinu
Áhugavert
Strangar kröfur í útboði heilsuræktar vekja ágreining í bæjarstjórn
Stjórnmál
Davíð Oddsson fallinn frá
Íþróttir
ÍBV strákarnir urðu einnig Powerade bikarmeistarar í 3. flokki
Samgöngur
Dýpið mælt í Landeyjahöfn
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.