Kynnti sér fjölbreytt ferðaþjónustufyrirtæki af landsbyggðinni

Lilja Dögg Alfreðsdóttir menningar- og viðskiptaráðherra heimsótti Mannamót Markaðsstofu landshlutanna sem fram fór í Kórnum í Kópavogi. Mannamót Markaðsstofa landshlutanna er árleg ferðakaupstefna sem haldin er af Markaðsstofum landshlutanna og var lokaviðburður Ferðaþjónustuvikunnar í ár.

Mannamót markaðsstofanna er kynningarvettvangur ferðaþjónustunnar á landsbyggðinni og tækifæri til að koma á fundum fagaðila í greininni. Markmið og tilgangur viðburðarins er að skapa vettvang þar sem landsbyggðarfyrirtæki fá tækifæri til að kynna sína þjónustu og vöruframboð fyrir ferðaþjónustuaðilum sem staðsettir eru á höfuðborgarsvæðinu og mynda tengsl innan ferðaþjónustunnar.

„Mannamót dregur fram með mjög skýrum hætti hversu fjölbreytt úrval af flottri afþreyingu og ýmiskonar þjónustu er hringinn í kringum landið. Eitt af áherslumálum mínum sem ráðherra er að stuðla að aukinni dreifingu ferðamanna um landið, sér í lagi utan háannar sem bætir nýtingu innviða í ferðaþjónustu treystir rekstrargrundvöll fyrirtækja í greininni,“ segir Lilja Dögg Alfreðsdóttir, menningar- og viðskiptaráðherra.

Ferðaþjónustuvikunni 2024 er nú formlega lokið en menningar- og viðskiptaráðherra opnaði vikuna með ávarpi á Nýársmálastofu SAF, Íslenska ferðaklasans og KPMG.

Frekari upplýsingar um viðburðina og upptökur má finna á vef Ferðamálastofu.

Nýjustu fréttir

ÍBV steinlá gegn Fram í Eyjum
Frá briminu upp yfir bæinn – myndband
Eyjamenn vilja komast aftur á sigurbraut gegn Fram
Fjárlög 2027 með augum Sunnlendinga
Ráðherra þurfi að skýra hvernig lögreglan verði efld
ÍBV úr leik í Powerade bikarnum eftir tap gegn Stjörnunni
Vestmannaey og Bergey landa í Neskaupstað eftir erfiðar veiðiferðir
Ísfélagið veiddi tæp 18.000 tonn af norsk-íslenskri síld
Eyjafréttir
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.