Þann 8.nóvember síðastliðinn var haldinn aðalfundur Golfklúbbs Vestmannaeyja en á komandi ári verður golfklúbburinn 70.ára og ætlar golfklúbburinn að fagna þeim áfanga með margvíslegum hætti.

Helgi Bragason var endurkjörinn formaður en aðrir í stjórn eru Haraldur Óskarsson, Hörður Óskarsson, Ragnar Baldvinsson og Böðvar Bergþórsson. Varamenn í stjórn eru Sigurjón Pálsson og Jón Pétursson.

Á aðalfundinum var tilkynnt að Gunnar Geir Gústafsson hefði verið valinn golfari ársins 2007 og Hallgrímur Júlíusson verið valin efnilegasti golfari ársins.

Fjöldi golfmóta voru samtals 33 og heildarfjöldi þáttakenda 1.486 kylfingar. Stærstu golfmót sumarsins voru eitt mót í Kaupþingsbankamótaröðinni en það fór fram í eyjum 6-7. september. Sveitakeppni GSÍ í fyrstudeild var einnig haldinn í eyjum helgina 10-12. ágúst og voru 8 sveitir sem mættu með 64.keppendur.

Íslandsmótið í golfi 2008 haldið í eyjum
Ákveðið hefur verið að halda Íslandsmótið í golfi 2008 í Vestmannaeyjum á 70.ára afmæli golfklúbbsins. Síðast var Íslandsmótið haldið í eyjum árið 2003. Það er mikil viðurkenning fyrir GV að fá að halda þetta stóra mót.