Ég vona bara að ég eigi eftir að geta búið í eyjum þegar ég verð kominn með fjölskyldu.

Eyjafréttir
·
Almennt
·
5. nóvember 2007

www.eyjar.net heldur áfram að heyra í brottfluttum eyjamönnum bæði innanlands sem og erlendis með þeim tilgangi að fá að vita hvar þau eru stödd í lífinu og hvaða viðhorft þau hafa til Vestmannaeyja.

Að þessu sinni heyrðum við í Sæþóri Ágústssyni en Sæþór er búsettur á höfuðborgarsvæðinu.

Nafn:
Sæþór Ágústsson (1979)

Fjölskylduhagir:
Barnlaus og ókvæntur.

Atvinna og menntun:
Er í meiraprófinu og ætla að fara að vinna í sambandi við það þegar því er lokið og er búinn með grunndeild rafiðnaðar.

Búseta:
Leigi í 101.

Mottó:
Að vera samkvæmur sjálfum sér.

Ferðu oft til Eyja ?
hefur verið svona annan hvern mánuð eftir að ég flutti en bilið er byrjað að lengjast.

Telurðu það hafa mótað þig sem einstakling að hafa alist upp í eyjum?
já mjög svo, ég t,d umgengst Vestmannaeyinga að mesti leiti hérna í borginni.

Tenging við eyjarnar í dag:
Fer þangað til að hitta familíuna og þá fáu vini sem eftir eru, svo kem ég stundum þarna til að spila.

Fylgistu með því sem er að gerast í eyjum ?
Já.

Hvernig finnst þér staða Vestmannaeyja í dag? Alls ekki nógu góð fyrir ungt fólk.

Hvar finnst þér sóknarfærin liggja fyrir Vestmannaeyjar ?
Ég geri mér nú ekki alveg grein fyrir því en það virðist vera að menn þurfi að fara að skoða eitthvað annað en fiskinn þar sem er verið að skera endalust niður í þeim geira.

Hvernig sérðu næstu 10 ár í þróun eyjanna?
Fækkun ef engar breytingar verða á, sem ég vona að sé rangt hjá mér.

Sérðu fyrir þér á næstu árum að flytja til eyja?
Nei, vegna þess að ég hef ekkert þangað að sækja í atvinnumálum né áhugamálum.

Gætirðu hugsað þér að stofna og reka fyrirtæki í vestmanneyjum?
Nei það virðist vera frekar þungur rekstur á flestum sviðum þarna, en ef ég mundi detta niður á eitthvað sniðugt mætti alveg skoða það þar sem er talsvert auðveldara að kauða sér húsnæði o.s.f.v.

Ef að Eyjamenn þyrftu að fjármagna göngin að hluta til, myndirðu kaupa hlutafé í göngunum ?
Ekki viss.

Eitthvað að lokum ? Ég vona bara að ég eigi eftir að geta búið þarna þegar ég verð kominn með fjölskyldu.

Nýjustu fréttir

Fréttir

Karlar hvattir til að sýna handverk

Stjórnmál

Guðbrandur Einarsson segir af sér þingmennsku

Áhugavert

Mikill áhugi á Eyjagöngum

Aðsent

Saltfisksala hjá meistaraflokkum ÍBV

Íþróttir

ÍBV með mikilvægan sigur á ÍR

Fréttatilkynning

Kveikjum neistann: Jákvæðar vísbendingar

Aðsend grein

Hvattning til Eyjamanna

Vestmannaeyjabær

Heilsuefling starfsfólks fær aukið vægi

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki