Í gær var undirritaður samningur milli Ísfélags Vestmannaeyja HF og ASMAR skipasmíðastöðvar í Chile um smíði á nýju fullkomnu uppsjávarskipi fyrir Ísfélagið. Gert er ráð fyrir að skipið verði afhent árið 2010 en skipið er hannað af Rolls Royce í Noregi.

Skipið verður 71.1 metri að lengd og 14.40 metrar að breidd og burðargeta verður 2.000 tonn í 10 tönkum útbúnum öflugri RSW kælingu. Skipið verður útbúið til nóta- og flottrollsveiða og aðalvélin af gerðinni Bergen Dísel.

Það er mikill metnaður ríkjandi í Ísfélaginu og er þetta stórt skref fyrir félagið sem vinnur að endurnýjun á skipaflotunum og er það stefnan að gera út færri en stærri uppsjávarskip.

Milligöngu um gerð smíðasamnings og smíðalýsingar hafði umboðsmaður Asmar á Íslandi, BP skip hf – Björgvin Ólafsson og Héðinn hf, umboðsaðili fyrir Rolls Royes á Íslandi.

Myndir af undirritun samnings má sjá hér