Sérstakir uppbyggingardagar fyrir ungdóminn verða haldnir um helgina í Gónhól á Eyrarbakka.

Annar hluti Myndlistarkeppninnar verður haldinn á laugardag og keppt verður í þremur aldursflokkum. Myndefnið er Uppáhaldsdýrið mitt.Vegleg verðlaun verða veitt á sunnudag og verður þá einnig tískusýning á barnafatnaði, götuleikhús og margt fleira.

Í sumar standa yfir myndlistasýningar, sölubásar og prúttmarkaðir í Gónhól en að auki eru fallegir fornbílar til sýnis, leigu og sölu. Gónhóll er opinn um helgar kl. 13-17.