Alls komu upp sautján fíkniefnamál á þjóðhátíðinni í Vestmannaeyjum í ár, að því er lögreglan greinir frá. Er þetta mun minna af málum en á hátíðinni 2005, þegar upp kom á fimmta tug mála. Mikil áhersla var lögð á eftirlit með fíkniefnaneyslu á hátíðinni að þessu sinni. Nú var um að ræða amfetamín, kókaín, kannabis og sýru, en efnin fundust bæði á fólki og einnig á víðavangi þar sem neytendur höfðu kastað þeim frá sér, er þeir urðu varir við lögreglu.