Í nýútkomnum tölum Hagstofunnar um búferlaflutninga, kemur fram að alls hafa 127 manns flutt frá Eyjum á tímabilinu 1. janúar til 31. ágúst 2008. Til Eyja hafa hinsvegar flutt 115 manns á þessu tímabili. Það þýðir að 12 fleiri hafa flutt frá Eyjum en til. Samkvæmt upplýsingum Áka Heinz á bæjarskrifstofunum, hafa fæðingar frá 1. des. á síðasta ári til 1. september á þessu ári verið 38, en látnir á sama tímabili eru 17.