Undanfarnar vikur hefur erlendur karlmaður þrætt göturnar í Vestmannaeyjum. Sá hefur ekki haft húsnæði til umráða en samkvæmt heimildum Eyjafrétta hafði hann m.a. hallað höfði sínu í Herjólfsbæ. Í dagbókarfærslu lögreglunnar segir að lögreglan hafi þurft að hafa afskipti af erlendum ríkisborgara sem hafi verið á vappi um Heimaey undanfarnar vikur, vegna ölvunar. Var hann í tvígang vistaður í fangageymslum en þegar rann af honum, hélt hann upp á land með Herjólfi. Dagbókarfærsluna má sjá í heild sinni hér að neðan.