Tryggvi Guðmundsson var í kvöld útnefndur Íþróttamaður ársins í Vestmannaeyjum árið 2011. Tryggvi hefur verið lykilmaður í knattspyrnuliði ÍBV sem hefur verið eitt af bestu liðum Íslands og fagnaði m.a. sigri á Íslandsmótinu í futsal á dögunum. Tryggvi jafnaði auk þess markamet Inga Björns Albertssonar í sumar og mun sjálfsagt bæta það næsta sumar. Þá var Svava Tara Ólafsdóttir valin Íþróttamaður æskunnar en Svava Tara hefur leikið með kvennaliði ÍBV sem kom mjög á óvart í sumar. Þá hefur hún leikið með yngri landsliðum Íslands.