101. leikári Leikfélags Vestmannaeyja lýkur nú um helgina með lokasýningum af söngleiknum Banastuð og barnasýningunni Galdrakarlinn í Oz. Leikárið hefur gengið vel og mikil gróska verið í starfsemi félagsins. Nú fer á fullt undirbúningur sumarstarfsins en töluvert af verkefnum liggur fyrir hjá félaginu. Vill stjórn félagsins koma á framfæri þökkum til allra þeirra sem lagt hafa hönd á plóg í starfi félagsins á leikárinu og eins til allra þeirra gesta sem sóttu leikhúsið.