Godthaab í Nöf hefur fjárfest í nýrri 24 stæða flæðilínu, útkastlínu og pökkunarkerfi. Á þriðjudegi­n­um fyrir þjóðhátíð var húsnæðið algjörlega tæmt af öllum vélum og tækjum. Á miðvikudeginum var byrjað að leggja nýtt epoxýgólfefni og tók það þrjá daga. Það tók ­gólfið þrjá daga að þorna og þá var hægt að hefjast handa við að koma nýrri flæðilínu fyrir og vinnsla hófst aftur á föstudeginum eftir þjóðhátíð. Með þessu aukast af­köstin um allt að 30 prósent og ný lína kallar á fleira starfsfólk. Þar sem nýja línan er mjög fullkomin er hægt að fylgjast með afköstum og nýtingu hvers starfsmanns.