- Eyjafréttir
- ·
- Fréttir
- ·
Hvað á menningarhúsið að heita?
Gamla félagsheimilið við Heiðarveg hefur tekið miklum stakkaskiptum síðustu mánuðina og hefur átt sér stað mikil endurnýjun innan veggja húnsæðisins. Nú stendur til að þróa starfsemi hússins yfir í menningarhús fyrir Vestmannaeyjar, sem þjóna mun hlutverki miðstöðvar fyrir menningar- og listaviðburði í bænum.
Vestmannaeyjabær ætlar að þessu tilefni að stofna til samkeppni um nafnagift á húsið og óskar eftir tillögum. Í kjölfar þess að nýtt nafn verður valið á húsið mun fara fram önnur samkeppni um logo tengt nafninu en það verður auglýst síðar. Verðlaun verða veitt fyrir nafnið sem fyrir valinu verður.
Tillögur að nafni á menningarhús Vestmannaeyja sendist á tölvupóstfangið menningarhus@vestmannaeyjar.is fyrir 29. janúar næstkomandi. �?eim skal fylgja stuttur rökstuðningur á nafnavalinu ásamt nafni og símanúmeri sendanda.
Fréttatilkynning
