Kennir Eyjamönnum að spara pening
Sveinn Waage
Sveinn Waage
Íslandsbanki býður upp á námskeið í Meniga í dag, fimmtudag klukkan 17:00 í Akóges. Meniga er heimilisbókhald Íslandsbanka og í tilkynningu frá bankanum kemur fram að allir séu velkomnir á námskeiðið. Eyjamaðurinn Sveinn Waage er nýtekinn við sem markaðsstjóri Meniga en síðustu fjögur ár hefur hann starfað sem vörumerkjastjóri hjá �?lgerðinni. Meniga er vefur sem er sérhannaður til að aðstoða fólk við að stjórna heimilisfjármálunum og nýta peningana sína sem best. Viðskiptavinir Íslandsbanka, Arion banka og Landsbanka geta allir nýtt sér þjónustu Meniga í gegnum heimabanka sína.
Hvernig námskeið er þetta sem þið bjóðið upp?
�??Við munum fara yfir Meniga heimilisbókhaldið sem er frítt á netinu, ýmist í gegnum heimabankann eða í gegnum meniga.is. Við munum fara yfir helstu fídusa og virknina og sýna fólki hversu bráðsniðugt, gagnlegt og skemmtilegt þetta er. Við hvetjum fólk til að mæta.�??
Sveinn segir það misjafnt hversu duglegt fólk er að halda heimilisbókhald en bætir við að Meniga sé góður kostur fyrir þá sem hafa kannski ekki sinnt heimilisbókhaldinu nógu vel til þessa, eða eru að hefja búskap. �??Sumir eru bara með þetta �??í veskinu�?? en aðrir setja allt upp í Excel. Með Meniga ertu með tól sem gerir þetta að mestu fyrir þig sjálfvirkt. Sumir segja að þeir hafi alls engan áhuga á að skoða neysluna sína en við spyrjum þá á móti; �?ú vilt vita hvað þú færð útborgað, ekki satt? Að hafa ekki áhuga á að vita í hvað þessi útborgun fer, er ekki vænlegt til lengdar.�??
Alltaf hægt að læra meira um bjór
Sveinn gerir reyndar gott betur en að kenna okkur Eyjamönnum hvernig á að passa upp á peningana okkar, því hann ætlar líka að kenna okkur að drekka bjór. �??Með Meniga lærum við að hafa yfirsýn og þar með geta lagt til hliðar peninga fyrir því sem okkur þykir skemmtilegt. Eins og t.d. að kaupa bjór, fara í bjórskóla og heimsækja staði þar sem bjórmenning er í hávegum höfð,�?? sagði Sveinn í gamansömum tóni en Bjórskólinn verður starfræktur í höfuðstöðvum Visku við Strandveg á föstudagskvöldið.
Viðtalið má lesa í heild sinni í Eyjafréttum.

Nýjustu fréttir

Samgöngur
Baldur verður áfram í Eyjum
Íþróttir
Eyjakonur í undanúrslit eftir framlengdan leik gegn FH
Fréttir
Hátíðarhöld 17. júní færð inn í Íþróttamiðstöðina
Úr blaði Eyjafrétta
Sjómannsfjölskyldan mín
Íþróttir
Topplið FH mætir ÍBV í bikarslag á Hásteinsvelli
Aðsend grein
Vertíðin 2026
Áhugavert
Skoðar Vestmannaeyjar fyrir mögulega fóðurverksmiðju
Áhugavert
Herjólfur III bíður enn eftir haffærisskírteini
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.