Í kvöld fer fram vetrarlokahóf ÍBV-íþróttafélags. Boðið verður upp á stórglæsilegan þriggja rétta matseðil að hætti Einsa kalda og glæsileg skemmtiatriði þar sem m.a. meistaraflokkarnir stíga á stokk. Hápunkturinn er svo þegar viðurkenningar fyrir árið verða afhentar. Eflaust verður mikið fjör enda árangurinn í handboltanum framar öllum vonum þar sem kvennaliðið komst í undanúrslit Íslandsmótsins en strákarnir fóru alla leið eins og kunnugt er. Til þessa hefur félagið boðið á hófið en í ár kostar 2.500 krónur inn, sem er svo sem ekki mikið, miðað við hvað er í boði.