Kvennalið ÍBV leikur síðasta leik sinn í sumar á morgun, laugardag á Hásteinsvelli. Klukkan 14:00 taka þær á móti Breiðabliki sem hefur að engu að keppa. ÍBV gæti hins vegar með sigri fært sig eitthvað ofar í töflunni en liðið situr nú í sjötta sæti en gæti, ef allt gengur upp, endað tímabilið í þriðja sæti. Leikurinn er jafnframt síðasti leikur liðsins undir stjórn Jóns �?lafs Daníelssonar sem hefur verið þjálfari liðsins síðustu átta ár. Hann mun reyndar ekki fara langt, því hann mun starfa áfram sem aðstoðarþjálfari við hlið Ian Jeffs sem tekur við liðinu í lok leiktíðar.

Samhliða leiknum verða ungir iðkendur heiðraðir fyrir góða frammistöðu. Jafnframt geta allir 12 ára og yngri sem mæta í hvítu, átt möguleika á flottum vinningi.