- Eyjafréttir
- ·
- Fréttir
- ·
Olíuóhapp um borð í Sigurði VE
�?happ varð við dælingu úrgangsolíu úr Sigurði VE við bryggju í Vestmannaeyjum í gær. Slanga gaf sig með þeim afleiðingum að svartolía sprautaðist um dekk skipsins og á síðu þess bakborðsmegin. �?að tók áhöfn Sigurðar nokkrar klukkustundir að þrífa olíuna, en úrgangsolía getur verið hnausþykk og hafa menn sem urðu vitni að atvikinu haft á orði að olían hafi verið eins og malbik.
�?að má segja að það eigi ekki af áhöfn Sigurðar að ganga en skipið kom stuttu fyrir jól aftur til landsins eftir þriggja mánaða viðgerð í Noregi. Verið er að undirbúa skip Ísfélagsins, Sigurð, Heimaey og Álsey, til loðnuleitar fyrir norðaustanverðu landinu.
Á bryggjunni í dag var einnig verið að undirbúa Vestmannaey VE til bolfiskveiða eins og sést á meðfylgjandi myndum.
