Síðastliðinn föstudag stýrðu Margrét Blöndal og Sighvatur Jónsson Föstudagsþættinum á sjónvarpsstöðinni N4 frá goslokahátíð í Vestmannaeyjum. �?átturinn var tekinn upp í Eldheimum á fimmtudaginn og sendur út á föstudaginn en hann er nú aðgengilegur á netinu á heimasíðu N4.

Margt var um góða gesti í þættinum og má þar nefna viðtal við Gerði Guðríði Sigurðardóttir, sem bjó í húsinu að Gerðisbraut 10 í Heimaeyjargosinu 1973, en húsið er þungamiðja sýningar í Eldheimum. Gerður sagði frá ákvörðun sinni um að leyfa það að hús hennar yrði grafið upp og notað í sýningu safnsins, ásamt því sem hún ræddi um málverkasýningu sem hún var með í Eldheimum yfir goslokahelgina.

�?á var talað við �?órhall Barðason í Föstudagsþætti N4 frá Eyjum, stjórnanda endurvakins Karlakórs Vestmannaeyja, en kórinn tók tvö lög í þættinum. Elliði Vignisson bæjarstjóri ræddi um samfélagið í Eyjum, goslokahátíð og samgöngur. Grímur �?ór Gíslason kokkur stýrði �??Stóru smørrebrødskeppninni�??, þar sem Hildur Sævaldsdóttir, Smári Harðarson og Margrét Blöndal tóku þátt. Bjartmar Guðlaugsson rifjaði upp æskuárin í Eyjum og tók goslokalag sitt frá árinu 2013.