Nýja vatnsleiðslan var tekin í land í Skansfjöru rétt eftir miðnætti. Verkið gekk vel eftir því sem best var séð, reyndar virtist sem leiðslan hafi setið föst í lokin í Henry P. Lading en það hefur ekki fengist staðfest. Endanum á leiðslunni var komið fyrir á sérstökum flothylkum og var leiðslan einfaldlega dregin í land. Og danirnir sem unnu og framleiddu leiðsluna, höfðu vaðið fyrir neðan sig því tæpir 200 metrar voru aukalega af leiðslunni þegar hún kom í land.