Meistaramóti Golfklúbbs Vestmannaeyja lauk í dag en óhætt er að segja að lokadagurinn hafi verið erfiður, rok og rigning var í allan dag og aðstæður mjög erfiðar. Að lokum varð það Örlygur Helgi Grímsson sem bar sigur úr býtum og það nokkuð örugglega en hann lék hringina fjóra á 282 höggum. Annar varð Karl Haraldsson á 292 og þriðji fyrrum meistarinn Gunnar Geir Gústafsson á 293 höggum. Úrslit mótsins í öllum flokkum má sjá hér að neðan.