Andrew Mwesigwa, leikmaður ÍBV var valinn leikmaður 11. umferðar í 1. deild Íslandsmótsins í knattspyrnu á vefnum www.fotbolti.net. Mwesigwa lék sinn fyrsta leik með ÍBV í toppslagnum gegn Selfossi og komst hið sókndjarfa lið Selfyssinga lítið áleiðis gegn Eyjamönnum. Fremstir í flokki fóru þeir Mwesigwa og Bjarni Hólm Aðalsteinsson en Mwesigwa skoraði að auki í leiknum annað mark ÍBV. Umfjöllun Fótbolta.net og viðtal við Mwesigwa má sjá hér að neðan.