KFS tók á móti Árborg á Týsvellinum í kvöld en Árborg var fyrir leikinn í öðru sæti A-riðils 3. deildar á meðan KFS var í fimmta sæti en einungis munaði fimm stigum á liðunum. Sigur var því lífsnauðsynlegur fyrir Eyjamenn ef þeir ætluðu sér að blanda sér í toppbaráttu riðilsins en Árborgarmenn skoruðu tvö mörk í fyrri hálfleik sem dugðu þeim til sigurs og lokatölur urðu 0:2. Eyjamenn fengu þrjár brottvísanir í leiknum, eina strax í upphafi síðari hálfleiks og tvær í uppbótartíma þegar úrslit leiksins voru ráðin.