- Eyjafréttir
- ·
- Fréttir
- ·
Boðinn forkaupsréttur að Jóni Vídalín VE
Fyrir bæjarráði á þriðjudaginn lá fyrir erindi frá Vinnslustöðinni þar sem Vestmannaeyjabæ er boðið forkaupsréttur að Jóni Vídalín VE. í samræmi við ákvæði laga um stjórn fiskveiða.
Skipið sem var smíðað í Japan árið 1972 er selt ásamt öllu fylgifé, tækjum og búnaði og það hefur leyfi til veiða í atvinnuskyni en engin aflahlutdeild eða aflamark eða aðrar veiðiheimildir munu fylgja skipinu við söluna.
Bæjarráð þakkaði væntanlegum kaupenda og seljanda þá virðingu sem Eyjamönnum er sýnd með því að virða þann forkaupsrétt sem kveðið er á um í lögum um stjórn fiskveiða. Slíkt sé til eftirbreytni og til þess fallið að skapa sátt um sjávarútveg. Bæjarráð telur hinsvegar ekki forsendur fyrir því að nýta forkaupsrétt í þessu tilviki og fellur því frá honum.
Mynd af VSV.is.
Nýjustu fréttir
Mest lesið
