ÍBV fallið úr Bestu deild karla eftir tap gegn Þór á Akureyri
Úr leik ÍBV og Vals í síðustu umferð. Ljósmynd/Sigfús Gunnar Guðmundsson.

Karlalið ÍBV í fótbolta er fallið úr Bestu deild karla eftir 1-0 tap í botnslag gegn Þór, á Akureyri í dag. Leikurinn var í þriðju umferð neðri hluta deildarinnar.

Þórsarar byrjuðu leikinn betur, en Eyjamenn unnu sig smám saman inn í leikinn. Vicente Valor átti fyrsta skot leiksins úr ágætri stöðu, en skot hans fór framhjá markinu.

Heimamenn náðu forystunni eftir hálftíma leik þegar Christian Jakobsen kom boltanum í netið. Ari í Haraldstovu Petersen, markvörður ÍBV, náði ekki að handsama boltann sem fór í Christian og þaðan í markið. Staðan var því 1-0 í hálfleik.

Eyjamenn byrjuðu síðari hálfleikinn vel og náðu að koma boltanum í netið þegar Mathias Edeland skallaði hann í markið. Markið var hins vegar dæmt af vegna brots og staðan hélst því óbreytt. Þór hélt forystunni út leikinn og vann 1-0 sigur.

Eftir tapið situr ÍBV í neðsta sæti deildarinnar með 19 stig þegar tvær umferðir eru eftir. Þór er í næstneðsta sæti með 24 stig og KA situr þar fyrir ofan með 26 stig. Þar með er ljóst að ÍBV er fallið úr Bestu deildinni þar sem þeir eiga aðeins möguleika á að ná Þórsurum, en geta ekki lengur náð KA mönnum að stigum.

Úrslit dagsins í neðri hluta bestu deild karla:

Stjarnan 0 – 3 KA

Valur 3 – 5 FH

Þór 1 – 0 ÍBV

Nýjustu fréttir

Úrslitakvöld Vöruhúsdeildarinnar í Höllinni á morgun
Feðgarnir mættust í þýsku B-deildinni – Erlingur fagnaði sigri
Gul viðvörun á Suðurlandi á laugardagskvöld
Heimir og Írar mæta Króatíu í umspilinu
Grýla gerir uppreisn fyrir fullu húsi
Viðar kvaddi tónlistarskólann á trommunum – myndir
Feðgar mætast í þýsku B-deildinni í kvöld
Segja skattóvissu draga úr hringsiglingum
Eyjafréttir
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.