Abel Dhaira, markmaður ÍBV lést á Páskadag aðeins 28 ára gamall eftir stutta baráttu við krabbamein. Eftir að veikindin komu upp ákvað ÍBV að koma Abel til Íslands og undir læknishendur hér á landi. ,,Minningarathöfn um okkar ástkæra leikmann og vin, Abel Dhaira, verður haldin í Landakirkju í dag, sunnudaginn 3.apríl klukkan kl.16. Eins og fram hefur komið í fjölmiðlum verður Abel sendur til �?ganda og jarðsettur þar. Knattspyrnuráð karla, í samráði við fjölskyldu Abels vill samt sem áður gefa þeim fjölmörgu Eyjamönnum og öllum öðrum sem kynntust honum, tækifæri á að kveðja Abel á viðeigandi hátt og var því ákveðið að halda minningarathöfn hér í Eyjum. Athöfnin er að sjálfsögðu öllum opin. ÍBV, fjölskylda Abels og vinir, ítreka þakkir sínar til allra þeirra sem studdu Abel í baráttunni. Guð blessi ykkur öll” segir í fréttatilkynningunni sem ÍBV sendi frá sér.