ISAVIA hefur tilkynnt að vegna yfirvinnubanns flugumferðarstjóra verði þjónusta á Keflavíkurflugvelli takmörkuð við sjúkra- og neyðarflug frá kl. 21.00 í kvöld til kl. 07.00 í fyrramálið. Ástæðan er að tveir flugumferðarstjórar sem áttu að vera á vakt í nótt eru veikir og vegna yfirvinnubanns fást ekki flugumferðarstjórar til afleysinga. Ljóst er þessar aðgerðir munu hafa áhrif á 24 flug til og frá landinu með þeim afleiðingum að rúmlega 4000 farþegar komast ekki lönd né strönd. Samtök ferðaþjónustunnar telja óásættanlegt að ferðaþjónustunni og almannahagsmunum sé stefnt í voða með þeim hætti sem raun ber vitni. �?að gengur ekki upp að fámennir hópar launþega geti valdið jafn miklum vandræðum og haft ferðaþjónustuna og samgöngur til og frá landinu í hendi sér í kjarabaráttu sinni. Ímynd og orðspor Íslands sem áfangastaður fyrir ferðamenn er í húfi og mikilvægt að stöðugleiki ríki í samgöngum. �?á verður að eyða allri óvissu fyrir ferðaþjónustuna og landsmenn alla hið fyrsta. Samtök ferðaþjónustunnar skora á samningsaðila beggja vegna borðsins að ná sáttum þannig að ekki komi til frekara tjóns fyrir íslenskt samfélag.