Hlaup sem allir eiga að geta tekið þátt í
Hið árlega Vestmannaeyjahlaup, sem haldið hefur verið frá árinu 2011, mun fara fram 2. september næstkomandi. Að vanda eru þrjár leiðir í boði, 5, 10 og 21 km og hefst sameiginleg upphitun fyrir styttri vegalengdirnar kl. 11:30 fyrir utan Íþróttamiðstöðina. 5 og 10 km hlaupin hefjast síðan á slaginu 12:00 en þátttakendur í hálf maraþoni leggja af stað hálftíma á undan eða í þann mund sem aðrir þátttakendur byrja að hita upp.
Líkt og fyrri ár þá er aðalmarkmið hlaupsins ekki að slá heimsmet í vegalengdunum sem um ræðir heldur að fá sem flesta til að taka þátt. �?aulreyndir maraþonhlauparar sem nánast svífa um í litskrúðugum 295 gramma Nike Air Zoom Pegasus 34 Mo Farah hlaupaskóm eiga ekkert meira erindi í hlaupið en hin hefðbundna sófakartafla sem kannski dregur fram gömlu hlaupaskóna einu sinni á ári.
Frítt er í Herjólf fyrir einstaklinga (ekki bíla) fram og til baka (100 frímiðar í boði). Ferðirnar fyrir hlaupara eru kl. 9:45 frá Landeyjahöfn og kl. 18:30 frá Vestmannaeyjum. Listi með nöfnum þeirra sem panta Herjólfsferð verður í Landeyjahöfn og í Eyjum þannig að nóg er að sýna skilríki til að komast í ferðina. Forskráning er hér á hlaup.is. Hægt verður að skrá sig samdægurs í Íþróttamiðstöðinni til kl. 11. Keppnisnúmer og gögn eru afhent kl. 18-20 föstudagskvöldið 1. sept. �?átttökugjald í 5 km hlaupið eru 1000 kr. en 2000 kr. í bæði 10 og 21 km hlaup. Í fyrra tóku 150 manns þátt og er stefnan að gera betur í ár og fá 180.
Eyjafréttir hvetja alla til þess að dusta rykið af hlaupaskónum, taka þátt í þessu vinsælasta götuhlaupi sem í boði er á Íslandi og í leiðinni styrkja gott málefni en að þessu sinni mun ágóðinn renna til Hollvinasamtaka Hraunbúða.

Nýjustu fréttir

Aðsend grein
Mikilvægasta skipið
Fréttir
Tilnefnt í faghóp vegna nýs leikskóla í Löngulág
Samgöngur
Ábending frá Herjólfi
Fréttir
Appelsínugular viðvaranir gefnar út
Áhugavert
Brýn þörf á úrbótum í Landeyjahöfn – tillögur væntanlegar í vor
Íþróttir
Díana Dögg og Andrea deildarmeistarar í Þýskalandi
Mannlíf
Gleði og góð mæting á páskaeggjaleitinni – myndir
Fréttir
Viðvörun fyrir allt landið á annan í páskum
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.