Lundapysjuvertíðin - Hefur verið stöðug aukning síðustu daga

Eyjafréttir
·
Fréttir
·
30. ágúst 2017

Hefur verið stöðug aukning síðustu daga

Lundapysjufjörið er þegar hafið og hefur þó nokkrum pysjum verið bjargað í ágústmánuði. Fyrsta pysja sumarsins kom 13. ágúst en hún fannst við skýlið og vó einungs 134 gr. en meðalþyngd pysja árið áður var 270 gr. Fékk pysjan nafnið Sigurbjörg í tilefni bikarmeistaratitils ÍBV kvöldið áður. Rúmri viku seinna voru pysjurnar sem skiluðu sér í pysjueftirlit Sæheima orðnar sjö talsins og því óhætt að segja að tímabilið hafi farið rólega af stað.

Sl. fimmtudag kom smá kippur en þá var fjöldinn kominn í 15 stykki og pysjunum farið að fjölga nokkuð ört. Daginn eftir hafði heildarfjöldinn næstum tvöfaldast og útlit fyrir nokkuð fjöruga daga. Á laugardaginn komu inn 19 nýjar pysjur og svo tvöfalt fleiri á sunnudaginn og því um að ræða nokkuð góða aukningu milli daga. Ekkert lát var á fjölguninni á mánudaginn því 51 pysja skilaði sér í Sæheima þann daginn. Heildarfjöldinn því kominn í 138 stykki og þyngsta pysjan í kringum 320 gr. en það voru systkinin Embla Harðardóttir og Gauti Harðarson sem komu með hana. Síðustu fregnir frá Sæheimum fyrir hádegi í gær voru þær að fjórar pysjur höfðu bæst í hópinn um morguninn og því heildartalan 142. Er starfsfólk nokkuð ánægt með gang mála þar sem stöðug aukning hafi verið milli daga. Spennandi verður að fylgjast með framvindu mála og er vonandi að fjöldinn í ár verði meiri en í fyrra en þá komu 2639 pysjur í hús á tímabilinu 24. ágúst til 25. september.

Mikilvægir punktar

Á vefsíðu Sæheima er að finna nokkra punkta sem vert er að hafa í huga þegar lundapysjur eru meðhöndlaðar:

– �?að er mjög mikilvægt að sleppa þeim strax daginn eftir að þær finnast. Ef þeim er haldið lengur léttast þær hratt og verða slappar. �?ær verða stressaðar í þessu nýja umhverfi sem pappakassinn er og setja oft mikla orku í að reyna að sleppa úr prísundinn.

– Best er að hafa aðeins eina pysju í hverjum kassa.

-Mikilvægt er að meðhöndla pysjurnar ekki mikið því að við það geta þær misst olíuna úr fiðrinu sem er þeim svo mikilvæg til að halda vatni frá líkamanum. Pysjur sem eru mikið meðhöndlaðar og haldið lengi inni eiga ekki mikla möguleika á að lifa.

-Safnið verður opið frá kl. 10 til 17 alla daga út september. �?eir sem ekki ná að koma á þessum tíma geta líka viktað pysjurnar heima og sent okkur síðan upplýsingar um þyngd, dagsetningu og fundarstað með tölvupósti á margret@setur.is.

Nýjustu fréttir

Aðsend grein

Mikilvægasta skipið

Fréttir

Tilnefnt í faghóp vegna nýs leikskóla í Löngulág

Samgöngur

Ábending frá Herjólfi

Fréttir

Appelsínugular viðvaranir gefnar út

Áhugavert

Brýn þörf á úrbótum í Landeyjahöfn – tillögur væntanlegar í vor

Íþróttir

Díana Dögg og Andrea deildarmeistarar í Þýskalandi

Mannlíf

Gleði og góð mæting á páskaeggjaleitinni – myndir

Fréttir

Viðvörun fyrir allt landið á annan í páskum

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki