Rúmlega 30% hækkun - Eyjafréttir

Eyjafréttir
·
Almennt
·
10. janúar 2024

Rúmlega 30% hækkun

HS Veitur hf. hafa tilkynnt um 18% hækkun á gjaldskrá til húshitunar í Vestmannaeyjum og tók hækkunin gildi 1. janúar sl. Þetta er önnur hækkunin á stuttum tíma því í september sl. hækkaði gjaldskráin um 15%. Málið var tekið fyrir á fundi bæjarráðs Vestmannaeyja í gær.

Bæjarstjóri hefur sent fyrirspurn á orkumálastjóra og orkumálaráðherra og óskað eftir staðfestingu á því hvort að HS-veitum sé heimilt á fjögurra mánaða tímabili að hækka gjaldskrá hitaveitu (fjarvarmaveitu) til Eyjamanna um 25% auk þess að lækka hitastigið á vatninu sem þýðir að kaupa þarf meira magna að vatni til að halda sama hita. Hækkunin er því rúmlega 30% frá 1. september. Svar hefur borist frá Orkustofnun sem heimiluðu þessar hækkanir HS-Veitna. Enn er beðið svara frá orkumálaráðuneytinu.

Skora á Alþingi að endurskoða lagaumhverfi

Í niðurstöðu ráðsins lýsir bæjarráð yfir óánægju með hækkun á gjaldskrá hitaveitunnar sem er veruleg ofan á aðra mikla hækkun sem kom til fyrir fjórum mánuðum. Þá er þessi mikla hækkun sérstök m.t.t. áskorunar helstu samningsaðila kjarasamninga á fyrirtæki og opinbera aðila að halda aftur af verð- og gjaldskrárhækkunum.

Stjórn Samtaka sveitarfélaga á köldum svæðum hefur unnið að því undanfarið í samtalið við hagaðila um að lagaumhverfið sem gildir um fjarvarmaveitur verði endurskoðað til að jafna kostnað íbúa landsins vegna húshitunar. Bæjarráð tekur undir það og skorar á Alþingi að endurskoða lagaumhverfi.

Vonbrigði með varmadælustöð

Þá lýsir bæjarráð yfir vonbrigðum með að varmadælustöðin hafi ekki skilað tilætluðum árangri sem hefði áhrif til lækkunar á húshitunarkostnaði eins og lagt var upp með. Bæjarráð lýsir miklum áhyggjum á því að mikill leki er í lokuðu dreifikerfi HS Veitna í Vestmannaeyjum þar sem milli 150-200 tonn leka út á hverjum degi. Bæjarráð skorar á HS Veitur að koma þessu í lag sem fyrst enda ekki sanngjarnt að kostnaður vegna þessa leka leggist á íbúa í Vestmannaeyjum.

https://eyjar.net/skipulogd-lekaleit-hafin/

https://eyjar.net/verdskra-hitaveitu-haekkar-aftur/

Nýjustu fréttir

Fréttir

Herjólfur til Landeyjahafnar seinni partinn

Aðsent

Sigurjón og Auðunn jafnir efstir á Skákþingi Vestmannaeyja 2026

Íþróttir

Emil Gautason í lokahóp u-16

Aðsent

900 krónur urðu að 45 milljónum!

Fréttir

Vara við snjóhengjum og grýlukertum

Myndband

Staðan í Viðlagafjöru þremur árum eftir fyrstu skóflustungu

Menning

S!ll! sendir frá sér nýtt lag og heldur tónleika í kvöld

Áhugavert

Óska eftir framlengingu á flugi vegna stöðunnar í Landeyjahöfn

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki