Bíða enn eftir svörum frá ráðuneyti
flug_ernir_farthegar_jan_2024_tms
Níu sæta vél Ernis í Eyjum. Frá því flug hófst um miðjan desember hefur nýting sæta verið um 50% en fer upp í 61% ef eingöngu er horft til 19 sæta vélarinnar. Eyjar.net/Tryggvi Már

Á fundi bæjarráðs Vestmannaeyja fór Íris Róbertsdóttir, bæjarstjóri yfir svör frá Flugfélaginu Erni vegna fyrirspurnar til flugfélagsins um tegundir flugvéla sem notaðar hafa verið i flugferðir til Eyja frá áramótum, sætaframboð og nýtingu sæta. Jafnframt hvort og þá hvenær áætlað sé að hefja flug til Eyja á föstudögum.

Í svörum frá flugfélaginu kom fram að frá áramótum hefur verið notast við 9 og 32 sæta vélar þar sem 19 sæta vélin, sem samningur við Vegagerðina tekur til, er í viðhaldi fram í miðjan febrúar. Reynt hafi verið að nota 32 sæta vélina á álagstímum.

Frá því flug hófst um miðjan desember hefur nýting sæta verið um 50% en fer upp í 61% ef eingöngu er horft til 19 sæta vélarinnar. Bæjarstjóri óskaði eftir því við ráðherra þann 24. janúar sl. að flugferðum yrði bætt við, ekki hefur enn orðið að því.

Bæjaryfirvöld í Vestmannaeyjum óskuðu eftir nýrri dagsetningu fyrir samgöngufund og verður fundurinn haldinn miðvikudaginn 13. mars nk.

Fram kemur í afgreiðslu ráðsins að bæjarráð óski eftir því að ráðherra tryggi að flug verði út apríl og ferðum fjölgað eins og um hefur verið rætt á fundum með ráðuneytinu.

Þá fól ráðið bæjarstjóra að óska eftir upplýsingum um hvar útboð á ríkisstyrktu flugi sé statt fyrir næsta vetur. Ekki má draga málið enn einu sinni þar til málið brennur inni á tíma.

Nýjustu fréttir

ÍBV steinlá gegn Fram í Eyjum
Frá briminu upp yfir bæinn – myndband
Eyjamenn vilja komast aftur á sigurbraut gegn Fram
Fjárlög 2027 með augum Sunnlendinga
Ráðherra þurfi að skýra hvernig lögreglan verði efld
ÍBV úr leik í Powerade bikarnum eftir tap gegn Stjörnunni
Vestmannaey og Bergey landa í Neskaupstað eftir erfiðar veiðiferðir
Ísfélagið veiddi tæp 18.000 tonn af norsk-íslenskri síld
Eyjafréttir
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.