Enginn vertíðarbragur ennþá
jon_valgeirs_opf
Jón Valgeirsson skipstjóri á Bergey VE. Eyjafréttir/Eyjar.net: Óskar Pétur Friðriksson

Ísfisktogararnir Bergur VE og Vestmannaey VE lönduðu báðir í Vestmannaeyjum í gær. Bergur var með fullfermi og Vestmannaey með tæplega 50 tonn.

Rætt er við skipstjóra beggja skipana á vef Síldarvinnslunnar um veiðina. Jón Valgeirsson, skipstjóri á Bergi, segir að þeir hefðu lent í fínasta fiskiríi. „Við fórum á Selvogsbankann, nánar tiltekið á Sannleiksstaði, og þar var væn þorskveiði á þriðjudag og í gærmorgun, en það var hins vegar rólegt í upphafi túrs. Mér finnst ekki kominn vertíðarbragur á þetta ennþá en fiskurinn sem fékkst er flottur; vertíðarþorskur, lifrarmikill og með hrognum. Það er heilmikill fiskur uppi í landsteinum og þar eru dragnótabátar og línubátar að gera það gott en fiskurinn er ekki genginn út frá landinu í mjög miklum mæli ennþá. Það var sæmilegasta veður í þessum túr, norðangjólukaldi allan tímann,“ segir Jón.

Egill Guðni Guðnason, skipstjóri á Vestmannaey, segir að þeir hafi verið á vitlausu róli í túrnum. „Við byrjuðum á Selvogsbankanum en þar var lítið að fá. Við færðum okkur þá yfir á Pétursey en þá brast á hörkufiskirí á Selvogabanka. Það var lítið fiskirí á Péturseynni þannig að við fórum til baka og fengum fínan afla á Selvogsbankanum í þá 17 klukkutíma sem við stoppuðum þar. Þar fékkst helst yfir sjö kílóa þorskur, hinn fallegasti fiskur,“ segir Egill Guðni.

Bergur mun halda til veiða á ný í dag og Vestmannaey í kvöld.

Nýjustu fréttir

ÍBV steinlá gegn Fram í Eyjum
Frá briminu upp yfir bæinn – myndband
Eyjamenn vilja komast aftur á sigurbraut gegn Fram
Fjárlög 2027 með augum Sunnlendinga
Ráðherra þurfi að skýra hvernig lögreglan verði efld
ÍBV úr leik í Powerade bikarnum eftir tap gegn Stjörnunni
Vestmannaey og Bergey landa í Neskaupstað eftir erfiðar veiðiferðir
Ísfélagið veiddi tæp 18.000 tonn af norsk-íslenskri síld
Eyjafréttir
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.