Mikil aukning hefur verið síðastliðin ár í komu skemmtiferðaskipa til Vestmannaeyja. Í sumar eru bókuð 80 skemmtiferðaskip til Vestmannaeyja og hefur þeim fjölgað um 20 frá síðasta sumri, en þá komu 60 skip.

Andrés Þ. Sigurðsson Hafnarstjóri sagði í samtali við Eyjafréttir að von væri á fyrsta skipinu um miðjan maí og það síðasta kæmi um miðjan september. „Það koma 80 skip í sumar sem er fjölgun um 20 skip síðan í fyrrra.“

Fjölgun skemmtiferðaskipa hefur verið jöfn og þétt síðustu ár en sem dæmi að árið 2015 komu hingað 39 skip og var það mikil fjölgun frá árinu þar áður.