Skákþing Vestmannaeyja hefst 2. febrúar
22. janúar, 2025
Skák Lagf 25
Skákþing Vestmannaeyja hefst í byrjun næsta mánaðar.

Skráning keppenda á Skákþing Vestmannaeyja 2025  er hafin en mótið hefst sunnudaginn 2. febrúar nk. Mótið er fram í skákheimili TV að Heiðarvegi 9  og verður teflt á sunnudögum kl. 13.00 og fimmtudögum kl. 19.30.   Umhugsunartími á keppenda á skák verður 60 mínútur  + 30 sek. á hvern leik. Er þetta sömu tímamörk  og undanfarin ár og gefur mótið rétt til alþjóðlegra skákstiga.  Ef fresta þarf  skákum  vegna forfalla verða þær  skákir  á öðrum tíma .   Skákstjóri  verður Sæmundur Einarsson og mun hann veita upplýsingar í síma 611-2284  eða á netfanginu saemi.einars@gmail.com.

Skráningu keppenda lýkur  sunnudaginn 26. janúar og verður þá dregið um töfluröð.  Undanfarin ár hafa keppendur  á Skákþinginu verið 10-12 talsins og tefla allir við alla.     Skákþingið mun standa út febrúar 2025. Núverandi  Skákmeistari Vestmannaeyja  er Benedikt Baldursson og mun hann verja titil sinn.

Að öðru  á vettvangi TV er það að frétta að undirbúningur skákkennslu ungmenna  í húsnæði TV  við Heiðarveg er í fullum gangi. Karl Gauti Hjaltason, fyrrv. lögreglustjóri  í Eyjum  og form. TV  annaðist skákkennsluna að mestu síðasta haust, en  tekur nú sæti á Alþingi í byrjun febrúar  nk. sem einn af þingönnum Suðurkjördæmis.  Unnið er að því að fá annan skákkennara og hefja kennsluna á ný  sem fyrst.

Þá er framundan  27. febrúar til 2. mars nk.   seinnihluti  Íslandsmót skákfélaga 2024-2025  – en TV er með þrjár sveitir á mótinu  Átta  manna  skáksveit í úrvalsdeild,   aðra sex manna sveit í 3ju deild og loks sex manna sveit fjórðu deild. Alls koma um 30 keppendur við sögu á mótinu allt félagar í TV.  Í úrvalsflokki tefla nokkrir  alþjóðlegir skákmeistarar sem hafa gengið til liðs við TV á allra síðustu árum, þsr af tveir danskir  skákmeistarar.  Engu að síður verður þetta þungur róður í keppni við öfluga alþjóðlega skákmeistara  innlenda og erlenda í  hinum fimm sveitunum í efstu deild. . Í 3. og 4. deild eru keppendur TV  ýmist búsettir í Eyjum eða uppi á landi, segir í tilkynningu frá TV.

Facebook
X
LinkedIn
Pinterest
Reddit
Email
Print
Skoða blaðið á netinu
Forsida 5 Tbl EF
5. tbl. 2025

NÝBURAR

76e2af77 02d9 48eb B73a 24c32e2403ac
4. janúar 2025
Drengur
Landspítalinn, Reykjavík.
Katrín Rós Óðinsdóttir og Sæþór Örn Garðarsson.
Mest lesið
Fylgstu með

Skráðu þig á fáðu nýjustu tilkynningar fyrst

Eyjafréttir
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.