Hið árlega herrakvöld fótboltans verður haldið miðvikudaginn 30. apríl nk. í Golfskálanum.  Einsi Kaldi og Rikki kokkur munu bjóða upp á dýrindis sjávarréttahlaðborð.  Veislustjóri verður Bjarni Ólafur Guðmundsson.  Ræðumenn verða þeir Ásmundur Friðriksson og Stefán Einar Stefánsson.  Það mun síðan verða Leó Snær Sveinsson sem mun sjá um að koma fólki í sönggírinn áður en kvöldið lokar.

Vel hefur gengið að selja miða en því miður verður takmarkað magn til sölu þar sem húsrúm er takmarkað.  Í fyrra var uppselt er í kringum 170 karlmenn skemmtu sér frábærlega í Kiwanishúsinu.  Í ár má búast við að stemmingin verði ekki síðri og því eru þeir sem ætla sér að mæta hvattir til að tryggja sér miða áður en verður um seinan.

Miðasala fer fram á skrifstofu ÍBV í Týsheimilinu, segir í tilkynningu frá knattspyrnudeild ÍBV.