- Eyjafréttir
- ·
- Íþróttir
- ·
Fréttabikarinn var veittur á dögunum á lokahófi ÍBV í fótbolta. Bikarinn hljóta þeir leikmenn meistaraflokks karla og kvenna sem þykja efnilegastir ár hvert. Kristín Klara Óskarsdóttir hlaut Fréttabikarinn í kvennaflokki. Við fengum að spyrja hana nokkurra spurninga.
Kristín Klara Óskarsdóttir:
Aldur? 16 ára.
Fjölskylda? Mamma mín heitir Guðbjörg Guðmannsdóttir og pabbi minn heitir Óskar Jósúason. Svo á ég líka tvo yngri bræður sem heita Jósúa Steinar og Nóel Gauti.
Hefur þú búið annarstaðar en í Eyjum? Neibb hef búið hér allt mitt líf.
Mottó? Myndi segja að aldrei gefast upp, leggja sig alltaf alla fram og vera jákvæð.
Síðasta hámhorfið? Ég er ekkert mikið að horfa á sjóvarpið nema það sé íþróttir en ætli það hafi ekki bara verið Gossip Girl.
Uppáhalds hlaðvarp? Ég hlusta eiginlega ekkert á hlaðvörp, eða man allavega ekki eftir neinu.
Aðaláhugamál? Það er fótbolti.
Eitthvað sem þú gerir á hverjum degi sem þú gætir ekki verið án? Líklegast bara spila fótbolta, hlusta á tónlist og fá mér einn nocco.
Hvernig er venjulegur dagur í þínu lífi? Þeir eru mjög basic. Fer í akademíuna eða í skólann, svo fer ég á æfingu en stundum að lyfta fyrir hana, síðan bara heim að slaka á eða læra ef þess þarf.
Hvað óttast þú mest? Alvarleg meiðsli þannig ég gæti ekki spilað fótbolta.
Hvað er velgengni fyrir þér? Ná árangri og markmiðum mínum.
Hvenær byrjaðir þú að æfa fótbolta? Árið 2014 þegar ég var 5 ára.
Hver er fyrirmynd þín í íþróttum? Ég eiginlega veit það ekki, held ég sé ekkert með einhverja eina fyrirmynd í íþróttum.
Var eitthvað sem kom á óvart í sumar? Í rauninni ekki.
Hvað tekur nú við þegar fótboltatímabilinu í ár er lokið? Er reyndar ennþá að æfa og er að fara út með U-17 í næstu viku. Svo tekur bara bráðum undirbúningstímabil við.
Eitthvað að lokum? Þetta var geggjað tímabil, allt liðið var frábært og er bara spennt fyrir næsta tímabili.
