Þakklát fyrir traustið sem mér hefur verið sýnt
Helga Jóhanna Harðardóttir
Helga Johanna Ads Cr

Aðsend grein

Helga Jóhanna Harðardóttir

Þessa dagana er mikið um að vera í pólitíkinni. Hér í Eyjum eru flokkar farnir að setja sig í startholurnar að vinnu við framboð sín til kosninga og eðlilega margir bæjarbúar farnir að huga að því hvaða fólk ætli að gefa kost á sér í þessi mikilvægu störf. 

Eftir nokkra umhugsun hef ég tekið þá ákvörðun að gefa ekki kost á mér aftur til sveitarstjórnarkosninga. Það er ekki ákvörðun sem ég tek létt því árin í sveitarstjórn hafa verið bæði lærdómsrík og gefandi.

Nú er ég að ljúka mínu öðru kjörtímabili fyrir Eyjalistann þar sem ég hef setið sem aðalmaður í bæjarstjórn en á kjörtímabilinu þar á undan starfaði ég sem varamaður bæjarstjórnar og formaður fjölskyldu- og tómstundaráðs.

Ég er afar þakklát fyrir það traust sem mér hefur verið sýnt og fyrir tækifærið til að starfa að málefnum samfélagsins okkar. Starfið hefur kennt mér margt um samvinnu og ábyrgð og ekki síst um þann kraft sem býr í fólkinu hér í Eyjum. Í vor mun ég ganga frá borði reynslunni ríkari og með mikla virðingu fyrir þeim sem leggja sig fram í þágu bæjarins bæði kjörnum fulltrúum og starfsfólki sveitarfélagsins.

Nú tel ég tímabært að stíga til hliðar og gefa öðrum færi á að taka við keflinu. Lýðræðið okkar verður sterkast þegar fólk úr ólíkum áttum gefur kost á sér og leggur sitt af mörkum. Ég vil því sérstaklega hvetja öll sem hafa áhuga á að láta gott af sér leiða að íhuga að bjóða sig fram og taka þátt í þessu mikilvæga starfi. Uppstillingarnefnd Eyjalistans tekur við ábendingum um fólk sem hefði áhuga á að taka sæti á lista í vor á netfangið eyjalistinn@gmail.com eða í síma 772-4245.

Hlýjar kveðjur

Helga Jóhanna Harðardóttir , bæjarfulltrúi Eyjalistans

Nýjustu fréttir

Bæjarmálin
Fækkun skemmtiferðaskipa fram undan
Menning
Myndir: Karlakórinn söng sumarið inn í Eldheimum
Stjórnmál
„Tillaga Miðflokksins kom mér á óvart“
Úr blaði Eyjafrétta
Sjómannskonur: Birna Karen
Aðsend grein
Aukið frelsi og sanngjarnt verð
Úr blaði Eyjafrétta
Sjómannskonur: Guðbjörg Erla
Fréttir
Vel heppnuð fimleikasýning
Menning
Brot af því besta úr viðtölum Stjána á Emmunni
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.